Ég fæddist í Reykjavik árið 1975 i mars mánuði og bjó þar fram á unglingsár. Ég hef búið á Akranesi í nokkur ár ásamt árs viðkomu í New York og Guinea – Bissau í vestur –Afríku þar sem ég vann á báðum stöðunum með börnum. Ég stundaði nám í félagsráðgjöf í eitt ár en fann mig ekki þar, hef alltaf haft áhuga á því mannlega og sá að í uppeldis – og menntunarfræði var mikið um val áfanga sem höfðuðu til mín og byrjaði ég þar um áramót 2012. Einnig hafði ég unnið á leikskóla í nokkur ár og langaði mig að dýpka þekkingu mína í þeim fræðum. Hef áhuga á að ferðast og að sjá og upplifa ólíka menningu

 

Eftir að hafa setið mannfræði námskeið á síðustu önn fann ég að mig langaði að skrifa um menningu, en vildi einnig koma inn á hvernig ólíkir uppeldishættir geta haft áhrifa á hegðun og þroska ungmenna. Áhugi minn á atvinnuþáttöku ungmenna er mér nálægð þar sem ég fór að vinna fljótlega með námi í framhaldsskóla og hætti fljótlega í námi. Mun ég skoða menningu útfrá einstaklings- og samfélagshyggjunni og hvernig munur er þar á þegar kemur að vinna með námi. Skiptir máli hvernig uppeldi börn fá ? hvort að þau vinni með skóla eða hvort þau vinni of mikið svo það hefur áhrif á þeirra nám? Rannsóknir sína meðal annars að ef ungmenni vinna meira en 20 stundir á viku með skóla getur það haft áhrif á nám þeirra til hins verra. Margar ástæður geta verið fyrir því að ungmenni ákveða að vinna með námi til dæmis að búa til „sjálfsmynd eins og fullorðnir eru með“. Hefur reynslan sýnt að ef kennarar bregðast neikvætt við þeim nemendum sem sýna slæma hegðun og eru með vanskil á verkefnum, þá geta nemendur þróað með sér neikvæða sjálfsmynd gagnvart skólanum. Heillt yfir getur vinna með skóla verið hvetjandi ef að vinnu tími með námi er stillt í hóf.